Bora ka mbuluar disa pjesë të Kosovës, madje ka rrugë që ende nuk janë pastruar, një e tillë është në një fshat të Suharekës.

Për të parë gjendjen nga afër kryetari i Komunës së Suharekës, Bali Muharremaj ka vizituar ketë fshat ku ka parë disa fëmijë duke rrëshqitur me saja.

Fëmijët kërkuan nga kryetari Muharremaj që të mos e pastronte rrugën, pasi që ata donin që të rrëshqisnin me saja.

Kryetari Muharremaj për një kohë të shkurtër e pranoi kërkesën e tyre.

“Megjithatë u pajtuam që për një kohë të shkurtë ta vazhdonin lojën, sepse megjithatë rruga duhet të pastrohet”, ka shkruan Muharremaj në profilin e tij në Facebook.

Ai tregoi se Driloni, Muharremi, Dijamanti, Endriti dhe Edmondi nga Vraniçi e patën një kërkesë interesante, që rruga mos të pastrohet.

“Sajat i kishin bërë gati për garë dhe pastrimi i rrugës sipas tyre do t’ua ndërpriste lojën”, tregoi kryetari Muharremaj për fëmijët e fshatit Vraniç.

Ata mund ta shijojnë këtë kënaqësi edhe pak ditë derisa komania e kontraktuar të del për të pastruar rrugën./Motilokal.com