Në një konferencë shtypi të mërkurën, shefi i OKB-së Antonio Guterres premtoi të trajtojë shumë çështje sfiduese me të cilat përballet planeti në Asamblenë e Përgjithshme, e cila do të përmbajë gjithashtu rekomandime konkrete për zgjidhje të qëndrueshme dhe një thirrje për veprim.

Shefi i OKB-së filloi duke kujtuar shkatërrimin që ai dëshmoi në udhëtimin e tij të fundit në Pakistanin e goditur nga përmbytjet, të cilën ai e përshkroi si një dritare në një "të ardhme të kaotike të përhershëm dhe të kudondodhur klimatik në një shkallë të paimagjinueshme".

Guterres, i cili është nga Portugalia, vuri në dukje se përmbytjet mbulojnë një zonë tre herë më të madhe se vendlindja e tij.

Me një gjuhë tipike pa kompromis, ai kritikoi reagimin global ndaj krizës klimatike si të papërshtatshme, të padrejtë dhe, në thelb, një tradhti. “Pavarësisht nëse është Pakistani, Briri i Afrikës, Saheli, ishujt e vegjël apo vendet më pak të zhvilluara, më të rrezikuarit në botë, të cilët nuk bënë asgjë për të shkaktuar këtë krizë, po paguajnë një çmim të tmerrshëm për dekada të papajtueshmërisë nga emetuesit e mëdhenj”.

Gati 1.400 njerëz kanë vdekur si pasojë e vërshimeve në Pakistan, derisa mijëra shtëpi, biznese, rrugë dhe ura janë shkatërruar tërësisht.

Guterres ka thënë nuk ka parë kurrë më parë “masakër klimatike” sikurse ajo në Pakistan, derisa ka fajësuar shtetet e pasura për një shkatërrim të tillë të ambientit.

Shefi i Kombeve të Bashkuara, Antonio Guterres, u ka bërë thirrje urgjente liderëve botërorë që të veprojnë për të luftuar ndryshimet klimatike, dhe që të mos e “përmbytin” botën.

“Mesazhi im për liderët botërorë është i qartë: Zvogëlojini temperaturat, tani. Mos e vërshoni botën, mos e përmbytni atë nesër”, ka thënë ai.

“Nëse një e treta e grupit të 20 shteteve më të industrializuara (G20) do të ishin nën ujë sot, siç mund të jenë nesër, ndoshta do ta kishin më të lehtë që të pajtoheshin për ulje të emetimeve të gazrave”.

Ai ka kritikuar edhe kompanitë që merren me naftë të papërpunuar, duke i akuzuar për “vrasje të planetit”.

Valët e të nxehtit dhe stuhitë janë bërë më intensive dhe më të shpeshta në vitet e fundit, për shkak të ndryshimeve klimatike të nxitura nga njeriu.

Bota tashmë është ngrohur për 1.1 gradë Celsius prej nisjes së epokës industriale, dhe temperaturat do të vazhdojnë të rriten, në rast se qeveritë në botë nuk marrin hapa për të ndalur emetimet e karbonit./Motilokal.com