Është zbuluar zyrtarisht nga shkencëtarët, kamera dixhitale më e madhe në botë, e cila do të kapë imazhet më të gjera të universit.

Kjo kamerë ka madhësi të një makine të vogël e cila peshon pothuajse 2 mijë e 800 kilogramë, e ndërtuar me një lente të gjerë pesë metra, mjaft e fuqishme sa për të dalluar një top golfi nga 24 kilometra larg.

Edhe pse kamera nuk është ende plotësisht e kompletuar, të gjitha pjesët e nevojshme janë siguruar.

Pasi të përfundojnë të gjitha punimet mbi të, kjo kamerë do të marrë imazhe dixhitale të pjesës jugore të qiellit nga maja e malit Cerro Pachon.

Kamera LSST funksionon si çdo aparat tjetër dixhital, por është shumë më i madh. 189 sensorët e tij marrin dritën që buron nga objekte si yjet dhe e shndërrojnë atë në sinjale elektrike që mund të shndërrohen në imazhe dixhitale. Çdo sensor është një katror me anët rreth 42 milimetra të gjata dhe përmban më shumë piksel se një iPhone 13 i vetëm. Në total, kamera ka 3.2 gigapiksel dhe do të marrë imazhe me rezolucion mjaft të lartë për të parë një grimcë pluhuri në hënë. Lente e saj më e madhe, me një diametër prej 1.57 metrash, është thjerrëza më e madhe e këtij lloji që është bërë ndonjëherë.

Menaxheri i projektit të kamerës LSST, Vincent Riot, thotë se sensorët e kamerës ishin jashtëzakonisht të shtrenjta për t'u bërë dhe çdo keqdrejtim mund t'i dëmtonte lehtësisht, kështu që bashkimi i tyre ishte si "parkimi i Lamborghinis milimetra larg njëri-tjetrit".

/Motilokal.com