Grupet ambientaliste në Holandë me qëllimin për të tërhequr vëmendjen mbi ndryshimin klimatik zhvilluan protestë për reduktimin e numrit të fluturimeve në aeroportin Amsterdam Schiphol dhe të udhëtohet më pak përmes rrugës ajrore.

Protestuesit që morën pjesë në protestën e mbajtur nga grupi ambientalist "Extinction Rebellion", u mblodhën para aeroportit Amsterdam Schiphol dhe marshuan drejt zonës së terminalit që sapo është planifikuar të ndërtohet.

Në protestë morën pjesë edhe deputetë të Parlamentit të Holandës dhe në fjalimet e mbajtura theksi u vendos mbi emetimet e larta të gjurmëve të karbonit nga avionët.

Folësit i bënë thirrje aeroportit Amsterdam Schiphol dhe kompanisë ajrore mbretërore KLM të Holandës që "të kryejnë më pak fluturime dhe të jenë më të ndjeshëm ndaj mjedisit", raporton Anadolu Agency (AA).

Protestuesit mbajtën pankarta me mbishkrimet "Zvogëlo fluturimet, përdor trenin", "Si kaloni nga planeti ynë?", "Drejtësi klimatike", "Ndaloni masakrën mjedisore" dhe "Ndrysho klimën politike".

Krahas sloganeve "Çfarë kërkojmë ne? Duam drejtësi klimatike" u hodhën slogane edhe kundër kapitalizmit.

Protesta u zhvillua duke kaluar në katin e ardhjeve të udhëtarëve në aeroportin Amsterdam Schiphol dhe përfundoi pas marshimit që u mbajt drejt zonës së terminalit të sapo planifikuar për t'u ndërtuar.

/Motilokal.com