Tornadot goditën pjesë të Teksasit dhe Oklahomas në SHBA, duke mbytur të paktën dy persona e plagosur njëzet tjerë dhe duke dëmtuar dhjetëra shtëpi dhe ndërtesa të tjera.
Konkretisht, në Oklahoma jugore, moti i keq vrau një 90-vjeçar, sipas guvernatorit të shtetit Kevin Stitt, i cili shpalli gjendjen e jashtëzakonshme në zonat e prekura.
Disa persona raportohen të zhdukur, sipas një zyrtari lokal të cituar nga mediat amerikane.
Tornadot goditën gjithashtu Arkansas dhe Teksas, ku 50 shtëpi u dëmtuan ose u shkatërruan, sipas Sherifit të Qarkut Lamar.
Duke vënë në dukje se dhjetë persona u shtruan në spital, dy prej të cilëve ishin në gjendje të rëndë, por të qëndrueshme, departamenti i sherifit tha në një postim në Facebook se nuk kishte viktima në këtë moment.
Në Oklahoma, ekipet e shpëtimit po shkojnë në qytetin Idabel, me një popullsi rreth 7,000, i cili duket se është goditur veçanërisht rëndë, tha guvernatori Kevin Stitt.
/Motilokal.com
