Një studim i publikuar së fundmi tregon se trupat e njeriut kanë pësuar ulje të temperaturës normale gjatë shekullit të kaluar. Sipas këtij studimi temperatura optimale e njeriut është 37 °C, por kjo nuk vlen për njerëzit e ditëve moderne. Në këtë përfundim kanë arritur studiuesit në Universitetin Stanford në SHBA, të cilët matën temperaturat e njerëzve nga vitet 2000 dhe i krahasuan me rekordet e ushtarëve që luftuan në Luftën Civile në ShBA.

Studimi zbulon se burrat e ditëve moderne kanë një temperaturë të trupit 0.58 °C më të ulët se homologët e tyre të shekullit të 19-të, ndërsa gratë janë më të ftohta me 0.32 °C.

Ndërsa temperatura mesatare e trupit për burrat tani është rreth 36.6 °C, nga rreth 37.16 °C në fillim të viteve 1800. Sipas shkencëtarëve shkaku i ftohjes është në thelb i papranueshëm, por ata thonë se kjo vije nga dietat dhe stili i jetesës.

Julie Parsonnet, profesore e mjekësisë dhe e kërkimit të politikave shëndetësore në Universitetin Stanford tha se të gjithë kemi mësuar duke u rritur është se temperatura jonë normale është 37 °C por është e gabuar. Fiziologjikisht, ne jemi thjesht të ndryshëm nga sa ishim në të kaluarën. Mjedisi ku po jetojmë ka ndryshuar, përfshirë temperaturën në shtëpitë tona, kontaktin tonë me mikroorganizmat dhe ushqimin në të cilin marrin vlerat ushqimore.

"Të gjitha këto gjëra nënkuptojnë se megjithëse mendojmë për qeniet njerëzore sikur të jemi monomorfikë dhe kemi qenë të njëjta për të gjithë evolucionin njerëzor, nuk jemi të njëjtë. Ne fakt po ndryshojmë fiziologjikisht", thotë Julie Parsonnet./Motilokal.com