Norvegjia ka zbuluar ato që ajo i quan nivele "të konsiderueshme" të metaleve dhe mineraleve në shtratin e detit të saj, duke përfshirë metale të rralla të tokës.

Zbulimi i këtyre elementeve mund të ndihmojë në prodhimin e pjesëve për turbinat e erës dhe bateri për veturat elektrike, të cilat kërkojnë gjëra të tilla si neodymium dhe dysprosium për t'u prodhuar.

Zyrtarët zbuluan gjithashtu se ka 38 milionë ton bakër në shtratin e detit, që është e barabartë me dyfishin e asaj që nxirret në nivel global çdo vit dhe rreth 45 milionë ton zink në sulfide polimetalike.

U zbuluan gjithashtu magnezi, niobium dhe kobalti, të cilët janë në listën evropiane të mineraleve kritike.

Drejtoria Norvegjeze e Naftës, e cila kreu studimin tha: "Për disa prej metaleve, burimet minerale janë të mjaftueshme për të mbuluar shumë vite të konsumit global”.

"Tranzicioni në një shoqëri me emetim të ulët rrit nevojën për elementë specifike."

Norvegjia, e cila është një eksportues i madh global i naftës dhe gazit, tani do të duhet të vendosë nëse do të hapë zonat në det të hapur për minatorët, një vendim që kërkon miratimin e parlamentit.

Sulfidet gjenden përgjatë kreshtës së mesme të oqeanit, ku magma nga poshtë sipërfaqes së tokës takohet me dyshemenë e detit në thellësi rreth 3000 metra.

Megjithatë, vendimi për të hapur detet për minatorët mund të ketë një kosto mjedisore, sipas aktivistëve.

Instituti i Kërkimeve Detare të Norvegjisë tha në një letër konsultimi se duhet bërë më shumë punë për mënyrën se si organizmat jetojnë në shtratin e detit dhe se cili do të jetë ndikimi i minierave.

Ai shtoi se ndërsa vlerësimet nga Drejtoria Norvegjeze e Naftës treguan nivele të vlerësuara të mineraleve, studime të mëtejshme do të nevojiten gjithashtu për të përcaktuar se çfarë mund të merret brenda niveleve të pranueshme mjedisore.

Jo shumë kohë pas shpalljes së zbulimit, presidenti rus  Vladimir Putin mbajti një takim të këshillit të tij të sigurisë për të diskutuar për kufijtë kontinental në Oqeanin Arktik, ku morën pjesë edhe ministri i Mbrojtjes Sergei Shoigu.

/Motilokal.com