Një Ferrari F40 i vitit 1989 me të vërtetë ndryshe nga çdo tjetër u shit nga Barrett-Jackson në ankandin e tij të fundit në Scottsdale, duke shitur një vlerë të pabesueshme prej 2.75 milionë dollarë.

F40 është një ikonë e vërtetë e mrekullueshme, por ky shembull i veçantë është i ndryshëm nga shumica. Ai iu dorëzua i ri tregtarit të Ferrarit Kroymans Automotive në Holandë në nëntor të vitit 1989 dhe 3 vjet më vonë, u rindërtua për gara nga Peter van Erp nga Cavallino Tuning dhe u ringjyros në të verdhë.

Imazhet e veturës i japin një aluzion se sa të rëndësishme kanë qenë modifikimet.

Ofertat për veturën fantastike “vërshuan”, kjo ndoshta për shkak të specifikave të saj unike.

Dhe pas “një lufte të madhe” fitoi pjesëmarrësi në ankand i cili ofroi 2.75 milionë dollarë. Motori V8 i fabrikës me dy turbo prodhon 471 kuaj fuqi, që është shumë për një makinë kaq të lehtë, por falë ekspertëve, fuqia është rritur në 700 kuaj fuqi.

Madje, në variantin për më të guximshmit ai mund të arrijë në pothuajse 1000 kuaj fuqi. Kjo do të thotë se F40 është gjithashtu më i fuqishëm se 296 GTB, i cili përdor një kombinim V6 dhe motor elektrik për të dhënë një total prej 819 kuaj fuqi.

/Motilokal.com