Moti këtë javë në Shqipëri parashihet të ndikohet nga kushte relativisht të qëndrueshme atmosferike falë masave ajrore me origjinë perëndimore. E rrallë për muajin shkurt është rritja e temperaturave në vlerat e mesditës, vlera të cila do t’i ngjasojnë shumë atyre të pranverës.
Në këtë mënyrë të gjitha ditët e javës do të jenë kryesisht me diell por nuk do të mungojnë alternimet e herëpashershme të vranësirave mesatare dhe hera-herës deri të dendura por kalimtare.
Sot parashikohet të mbajë mot pjesërisht me re dhe kthjellime.
Të martën pritet të jetë më ngrohtë në mesditë, kryesisht me kthjellime dhe diell.
E mërkura parashikohet me mot të kthjellët e me diell dhe ngrohtë në mesditë.
/Motilokal.com
Fotografia: Euron Ilazi