Instituti Hidrometeorologjik i Kosovës (IHMK) përmes një komunikate njofton se reshjet të intensitetit të ulët të cilat kanë filluar gjatë ditës së sotme (26.02.2023), në pjesën perëndimore dhe jugore, gradualisht do të përfshinë pjesën më të madhe të vendit, ku si pasojë gjatë datës 27.02.2023, nëpër disa zona të lokalizuara mund të paraqiten vërshime të shpejta.

Lexo njoftimin e plotë:

Reshjet të intensitetit të ulët të cilat kanë filluar gjatë ditës së sotme datë: 26.02.2023, në pjesën perëndimore dhe jugore, gradualisht do të përfshinë pjesën më të madhe të vendit, ku si pasojë gjatë datë: 27.02.2023, nëpër disa zona të lokalizuara mund të paraqiten vërshime të shpejta.

Situatë më e ngarkuar parashihet të jetë në pjesën perëndimore të vendit, kryesisht në sistemet e lumenjve, Klina, Lumi Istogut, Drini Bardhë (rrjedha e sipërme), Bistrica e Pejës, Deçanit, Ereniku, dhe në lindje, pellgu Morava e Binçës.

Nga këto prognoza fillimisht meteorologjike me reshje e pastaj hidrologjike me mundësi vërshime në interval afatshkurtër nga shiu plus shkrirja e borës nga zonat e larta malore (derisa bora e re të fillojë të bjerë), problemet lokale janë të mundshme sidomos rrëshqitje dhe shembje të tokës.

Pjesa Perëndimore: probabiliteti për të tejkaluar një prag të periudhës së kthimit të përmbytjeve 5-vjeçare është rrethe 30 % ndërsa 20-vjeçare: 3 %.

Pjesa veriore: Probabiliteti për të tejkaluar një prag të periudhës së kthimit të përmbytjeve

5-vjeçare: 41 % ndërsa 20-vjeçare: 27 %.

/Motilokal.com