Hëna e plotë e fundit e dimrit ka filluar të ndriçojë qiellin, e cila që nga mbrëmë (e hënë) dhe sonte (e martë) do të jetë 100 për qind e plotë dhe një tjetër mundësi e veçantë për vëzhguesit e qiellit për të shkrepur ndonjë fotografi të bukur.

E quajtur Hëna e Krimbit nga fiset vendase amerikane në shekullin e 18-të në lidhje me krijesat e ndryshme që dalin nga strehët e tyre dimërore për të mirëpritur pranverën, Hëna e marsit do të arrijë kulmin e ndriçimit natën e martë, 7 mars. Por dikush që shikon lart në momentin e duhur mund të kapë gjithashtu një fenomen mahnitës planetar.

"Ajo që është pak më interesante tani dhe gjithashtu e dukshme sonte e këtë javë, janë pozicionimi i afërt dhe i spikatur i Venusit dhe Jupiterit në qiellin perëndimor menjëherë pas perëndimit të diellit", tha Mike Hankey, menaxher i operacioneve për Shoqërinë Amerikane të Meteorëve.

"Fjala astronomike për këtë është 'lidhje'. Këta planetë do të perëndojnë ndërsa Hëna po rritet, kështu që ata janë të dukshëm vetëm për rreth një orë në perëndim të diellit, afër horizontit perëndimor.”

Hëna e Krimbit nuk është shansi juaj i fundit për të kapur një ngjarje të veçantë në hapësirë ose qiell. Këtu janë hënat e plota për këtë vit.

6 prill: Hëna rozë

5 maj: Hëna e luleve

3 qershor: Hëna e luleshtrydhe

3 korrik: Hëna e korrikut (Buck moon - brirët e rinj që dalin në ballin e një drerit)

1 gusht: Hëna e sturgeon (për shkak të numrit të madh të peshqve të blirit që u gjetën në Liqenet e Mëdha në Amerikën e Veriut)

30 gusht: Hëna blu

29 shtator: Hëna e korrjes

28 tetor: Hëna e gjahtarit

27 nëntor: Hëna e kastorit

26 dhjetor: Hëna e ftohtë.

/Motilokal.com