Frutat dhe perimet janë baza e një diete të shëndetshme, por nëse i hamë ato jo të trajtuara me kimikate të ndryshme. Megjithatë, shumica e njerëzve i blejnë frutat dhe perimet e tyre në dyqane, ku shiten produkte të trajtuara me pesticide.

Shumë studime kanë konfirmuar përfitimet shëndetësore të ngrënies së frutave dhe perimeve, por çka nëse jeni të ekspozuar ndaj pesticideve potencialisht të dëmshme?

Hulumtimi nga Grupi i Punës për Mjedisin jofitimprurës (EWG) zbuloi se më shumë se 75 për qind e produkteve të freskëta jo organike të shitura në SHBA përmbajnë mbetje pesticidesh. Studimi bazohet në të dhënat federale të mbledhura nga mijëra mostra të 46 frutave dhe perimeve të ndryshme të kultivuara në mënyrë konvencionale.

Pas përfundimit të hulumtimit, EWG krijoi dy lista bazuar në rezultatet: "Dirty Dozen" që përfshin frutat dhe perimet që janë më të kontaminuara me pesticide dhe "Clean Fifteen" që përfshin produkte me nivelin më të ulët të pesticideve.

Lauren Manaker tha se jo vetëm produktet konvencionale përmbajnë pesticide, por edhe se ato organike nuk do të thotë domosdoshmërisht janë pa pesticide”.

"Pesticidet organike ose natyrore ose aditivët e tjerë mund të duken të padëmshëm, por në disa raste ekspozimi i lartë mund të jetë një shqetësim. Për shembull, sulfati i bakrit, një përbërës natyral i përdorur në kultura të caktuara për të parandaluar rritjen e kërpudhave, mund të shoqërohet me dëmtim të mëlçisë kur ekspozimi është shumë e lartë”, shtoi ajo.

Lista e frutave dhe perimeve me më së shumti pesticide: luleshtrydhet, spinaqi, lakra e gjelbër, mustardë, pjeshka, dardha, nektarina, molla, rrushi, qershia, boronica dhe bishtaja.

Pothuajse 65 për qind e mostrave të "Clean Fifteen" nuk kishin mbetje të dukshme pesticidesh. Pak më shumë se 10 për qind e mostrave kishin mbetje të dy ose më shumë pesticideve dhe asnjë mostër nga gjashtë artikujt e parë nuk rezultoi pozitive për më shumë se tre pesticide.

Këto fruta dhe perime kanë më pak pesticide: avokado, misër i ëmbël, ananasi, qepa, papaja, bizele e ëmbël, shpargu, pjepri, kivi, lakra, kërpudha, mango, patate e ëmbël, shalqiri, karota.

/Motilokal.com