Moti këtë fillim jave në Shqipëri parashikohet të jetë nën ndikimin e një fronti të ftohtë atmosferik me masa ajrore me origjinë polare. Pritet një rënie drastike e temperaturave në fillim të javës si në vlerat minimale ashtu dhe ato maksimale. Megjithatë duke filluar gradualisht nga mesjava dhe kryesisht ditët e fundit të javës temperaturat rikthehen përsëri në vlerat e zakonshme të pranverës.
Sot parashikohet mot me vranësira të dendura e reshje shiu të herëpashershme me intensitet mesatar në formën e shtrëngatave, të shoqëruar me breshër dhe shkarkesa elektrike. Në relievet malore mbi 1000 metër priten reshje bore.
Ditën e martë moti parashikohet me vranësira mesatare dhe të dendura por edhe intervale me kthjellime. Vranësirat do të shoqërohen me reshje shiu të herëpashershme dhe të dobëta lokale.
E mërkura parashikohet me mot pjesërisht me re gjatë paradites, ndërsa pasdite kthjellët e me diell.
/Motilokal.com
