Vietnami ka regjistruar temperaturën më të lartë ndonjëherë në rekord prej 44.1 gradë Celsius, ku meteorologët paralajmërojnë një rritje të mëtejshme të kushteve ekstreme të motit për shkak të ndryshimeve klimatike.
Temperatura rekord u shënua në Hoi Xuan në provincën veriore Thanh Hoa të shtunën, tha Qendra Kombëtare për Parashikimet Hidro Meteorologjike, agjencia zyrtare e motit në vend.
Rekordi i mëparshëm ishte prej 43.4 gradë Celsius, i regjistruar në prill 2019 në rrethin Huong Khe në provincën qendrore Ha Tinh.
Nxehtësia ekstreme ka përfshirë gjithashtu disa vende fqinje në rajon pasi Tajlanda raportoi një temperaturë rekord të barabartë me 44.6 gradë Celsius në provincën e saj perëndimore Mak.
Një qytet lindor në Mianmar regjistroi 43.8 gradë Celsius, temperatura më e lartë për një dekadë, sipas mediave lokale.
Të dy vendet tradicionalisht përjetojnë një periudhë të nxehtë para sezonit të musonit, por intensiteti i nxehtësisë ka thyer rekordet e kaluara.
/Motilokal.com
