SpaceX e Elon Musk dhe Unipol Gruppo (UNPI.MI) ranë dakord të bashkojnë forcat për të ndihmuar njerëzit e goditur nga përmbytjet në veri të Italisë, të lidhen me internetin, duke lehtësuar operacionet e shpëtimit.

Shirat e rrëmbyeshëm shkatërruan anën lindore të rajonit italian të Emilia-Romagna, duke shkaktuar vdekjen e 14 njerëzve dhe dëme në vlerë prej miliarda eurosh, duke goditur veçanërisht bujqësinë.

Rreth 36,000 njerëz u detyruan të largoheshin nga shtëpitë e tyre dhe shumë nga ata që mbetën në zonat e përmbytura mbetën pa energji elektrike. Përpjekjet e shpëtimit pengohen nga moti i keq i vazhdueshëm dhe ndërprerjet në linjat telefonike

Sipas marrëveshjes, Unipol bleu terminalet e internetit satelitore Starlink të SpaceX dhe do t’i bëjë ato të disponueshme për shpëtimtarët, spitalet dhe publikun.

SpaceX po i pozicionon satelitët e saj për t’i dhënë përparësi rajonit Emilia-Romagna dhe për të ofruar mbulim të përmirësuar.

“SpaceX, Starlink dhe Tesla janë të lumtur që do të përdoren në çdo mënyrë për të ndihmuar Italinë dhe njerëzit e prekur nga përmbytjet”, tha Musk në një deklaratë.

/Reuters/Motilokal.com