Shqipëria gjatë ditës së premte dhe fundjavës pritet të jetë nën ndikimin e kushteve kryesisht të ndryshueshme dhe jostabile atmosferike.
Moti të premten parashikohet me kthjellime dhe vranësira e reshje lokale shiu kryesisht paradite. Vende-vende gjatë pasdites reshjet do të jenë në formën e shtrëngatave të shoqëruar me shkarkesa elektrike. Ndërsa në zonat malore parashihet prezencë e mjegullës.
Të shtunën parashihet të mbajë mot pjesërisht me vranësira dhe intervale me diell. Gjatë pasdites parashihen rrebeshe shiu të shoqëruara me bubullima dhe shkarkime rrufesh.
E diela pritet të mbajë me mot kryesisht me vranësira e reshje lokale shiu gjatë paradites, ndërsa pasdite pothuajse i kthjellët.
/Motilokal.com