Më datë 23.06.2023, me iniciativën e Odës Ekonomike të Kosovës, është mbajtur mbledhja për themelimin e Shoqatës së Teknologjisë së Informacionit të Kosovës, që përfshinë të gjithë bizneset e kësaj fushe.
Në këtë mbledhje u miratua Statuti dhe u përzgjedh Kuvendi, Këshilli Drejtues i Shoqatës.
Këshillin e Shoqatës e përbëjnë:
1. Armend Malazogu, “Cacttus Sha” –(Kryetari i Shoqatës)
2. Arita Tahiri, “Virtuo” – (Nënkryetare e Shoqatës)
3. Armend Zeqiraj, “XPERT”
4. Besart Gerguri, “TROKIT”
5. Muhamer Nuridini, “Protecht”
Pjesë e kësaj mbledhje ishte Kryetari i OEK-ut Lulzim Rafuna, drejtori i departamentit për Shoqata dhe Sektore Senad Murati, drejtori për Analiza dhe Komunikim Strategjik Besart Krasniqi dhe koordinatore për Shoqata Arta Haziri.
Kryetari i Odës Ekonomike të Kosovës, Lulzim Rafuna ka mirëpritur këto kompani dhe anëtarët tjerë të Kuvendit të Shoqatës që ishin prezent dhe theksoi rëndësinë e tyre në zhvillimin ekonomik-social të vendit.
Krahas të gjitha problemeve, Kryetari Rafuna vlerësoj tej mase punën e kompanive të ICT-së, duke i cilësuar si akterë shumë të rëndësishëm në rritjen e punësimit, ngritjen e vlerave ekonomike e sociale, ngritjen e imazhit të vendit dhe kontributin e tyre të vazhdueshëm në fuqizimin e sektorit privat në Kosovë.
Oda Ekonomike e Kosovës falënderon të gjitha bizneset që ishin prezent për bashkëpunimin me OEK dhe do punohet për më të mirën e Shoqatës.
/Motilokal.com
