Peugeot ka konfirmuar se ekziston mundësia e prodhimit të një versioni rrugor të hiperveturës garuese 9X8.

Kur u shfaqën për herë të parë rregullat e Le Mans Hypercar, pati konfuzion nëse kërkoheshin apo jo vetura ekuivalente ligjore në rrugë. Kjo shkaktoi zëra se Peugeot do të duhej të shiste një model 9X8 të ligjshëm për rrugë, por kjo nuk ndodhi dhe në fund nuk pati asnjë angazhim për veturën rrugore. Megjithatë, ka shpresë se 9X8 mund të jetë në rrugë dhe gjithçka varet nga blerësit e pasur.

Duke folur për revistën Top Gear, drejtoresha e Peugeot Linda Jackson tha se një 9X8 i ligjshëm në rrugë është një mundësi reale. Kushti për këtë është që klienti t'i paraqesë Peugeot një "çek me para". Hipervetura ende nuk është duke u zhvilluar për përdorim në rrugë, askush nuk ka shfaqur ende interes, por kjo mund të ndryshojë pas deklaratës së drejtorit.

Shndërrimi i hiperveturës së garave në një roadster më në fund do t'i jepte Peugeot flamurin me performancë të lartë që ka "shpallur" për dekada. Stellantis ka prodhuar një numër të madh të veturave konceptuale në të kaluarën, por fatkeqësisht asnjëra prej tyre nuk e pa dritën e ditës.

/Motilokal.com