Asus është një pionier i vërtetë kur bëhet fjalë për laptopët me ekran të palosshëm falë linjës Zenbook Fold të kompanisë, por duhet të përballet me konkurrencë serioze në të ardhmen.

Raportet që vijnë nga Koreja e Jugut thonë se Apple është duke punuar në zhvillimin e një laptopi me një ekran të palosshëm dhe është në bisedime me furnitorët për të tregtuar një MacBook me këtë dizajn. Kjo pajisje do të përshpejtonte tregun tashmë të ngadaltë të ekraneve, nëse veç do të prodhohej.

Sipas informacioneve të disponueshme, prezantimi i laptopit duhet të bëhet në vitin 2025, ndërsa do të dilte në treg një vit më vonë. Prodhuesit e Koresë së Jugut si Samsung Display dhe LG Display kanë investuar së fundmi shumë në panelet OLED të destinuara për laptopë, pra në një kohë kur tregu i smartfonëve është mjaft i ngopur. Të dyja kompanitë aktualisht po "koordinojnë planet për të zhvilluar dhe prodhuar panele OLED të palosshme për laptopë" ndërsa tregu i tyre rritet.

Porosia e Apple do të kishte padyshim një ndikim të madh në këtë treg ende të vogël. Ekranet më të mëdhenj duhet të jenë më fitimprurës për prodhuesit e paneleve, por në të njëjtën kohë, është më e vështirë të arrihet një densitet më i lartë i pikselit ndërsa ekranet bëhen më të mëdhenj.

Sidoqoftë, ekranet e palosshme për laptopë janë më fitimprurës sesa ekranet e palosshëm për telefonat inteligjentë, kështu që kjo është një mundësi e madhe për prodhuesit e ekraneve që të fitojnë para shtesë në të ardhmen e afërt.

/Motilokal.com