Një grua që po shijonte kafenë në veri-lindje të Francës ka pësuar një aksident në fillim të korrikut, kur u godit nga një meteorit.

Rastet në të cilat meteoritët godasin njerëzit janë jashtëzakonisht të rralla, por një grua franceze është në mesin e tyre pasi një meteorit e goditi në brinjë ndërsa ajo ishte ulur në tarracë. Fillimisht dëgjoi një zhurmë në çati dhe më pas një goditje në brinjë.

“Mendova se ishte një kafshë, një lakuriq nate apo një copë çimento”, tha ajo.

Megjithatë, ishte një copë e vogël guri që u hodh nga çatia dhe e goditi gruan në gjoks, duke rezultuar në mavijosje. Ajo nuk kishte lëndime të tjera.

Ajo ia çoi fragmentin gjeologut dr. Thierry Rebmann, i cili e analizoi dhe përcaktoi se ishte një shkëmb me origjinë jashtëtokësore.

Pesë incidente të lidhura me meteoritët u regjistruan në Francë në shekullin e 21-të. Sipas National Geographic, Ann Hodges është personi i vetëm i konfirmuar në histori që është goditur nga një meteorit. Ndodhi në vitin 1954 ndërsa ajo ishte duke fjetur në dhomën e ndenjjes. Një gur i zi i madhësisë së topit çau tavanin e shtëpisë së saj dhe e goditi në këmbë.

/Motilokal.com