Valët e të nxehtit ndodhin kur temperatura është më e lartë se normalja për disa ditë rresht. Lagështia mund të bëjë që ajo të ndjehet shumë më e nxehtë.

Çfarë e shkakton valën e të nxehtit? 

Valët e nxehtësisë vijnë nga ajri i ngrohtë i bllokuar në atmosferë dhe janë një fenomen natyror i motit. Valët e të nxehtit po rriten në intensitet dhe frekuencë për shkak të ndryshimeve klimatike, që rezultojnë nga emetimet e gazeve serrë, që po bllokojnë nxehtësinë për më gjatë.

Kush është më i rrezikuar nga valët e të nxehtit?

Nxehtësia e tepërt është e rrezikshme për shëndetin e të gjithëve. Foshnjat, fëmijët, gratë shtatzëna dhe të moshuarit janë veçanërisht të prekshëm ndaj stresit të nxehtësisë.

Shumë nxehtësi mund të jetë më e rrezikshme për foshnjat dhe fëmijët sesa për të rriturit dhe dehidrimi tek fëmijët mund të jetë i rrezikshëm apo edhe vdekjeprurës. Trupat e fëmijëve kanë më shumë vështirësi në rregullimin e temperaturës sesa ato të të rriturve dhe ata mbështeten te të rriturit për t'i mbrojtur ata nga nxehtësia.

Gratë shtatzëna janë gjithashtu në rrezik më të madh. Nxehtësia dhe dehidratim mund ta rrezikojnë fëmijën të lind me peshë të ulët, lindje e hershme dhe madje edhe lindje të vdekur. Vetë gratë shtatzëna mund të preken negativisht dhe të fillojnë lindjen e hershme, si dhe të zhvillojnë diabet gestacional dhe hipertension.

/Motilokal.com