Lolita, një nga orkat më të vjetra që jetonte në robëri në Akuariumin Detar të Miami që nga viti 1970, ka ngordhur, raporton CNN.

Aktivistët e kafshëve kanë luftuar për lirinë e saj për dekada dhe kanë thënë se ajo duhet të kthehet në Paqësorin Veriperëndimor.

"Lolita ka mbijetuar kaq shumë në jetën e saj. Ajo ka duruar nëpër vështirësitë që ne qeniet njerëzore i kemi vënë asaj. Ajo ka jetuar burgimin e saj dhe ngordhjen e familjes së saj, ka jetuar ngordhjen e familjes tjetër dhe ajo ka jetuar duke qenë në këtë pishinë të vogël për kaq shumë vite”, tha Pritam Singh, e cila drejton një shoqatë për luftën për të drejtat e kafshëve, qëllimi kryesor i së cilës ishte lirimi i orkës Lolita.

Ajo quhej gjithashtu Toki, që është një shkurtim i emrit indian për balenën Tokitae.

Thuhet se Lolita ngordhi nga një sëmundje e veshkave. Akuariumi i Miamit njoftoi se ajo kishte shfaqur siklet gjatë ditëve të fundit dhe filloi mjekimi menjëherë nga ekipi mjekësor. Sipas njoftimeve të mëparshme, 57-vjeçarja Lolita supozohej të lëshohej përsëri në oqean.

Përndryshe, edhe pse orkat mund të jetojnë deri në 90 vjet në natyrë, në robëri cilësia e tyre e jetës bie ndjeshëm dhe ato jetojnë mesatarisht nga 10 deri në 45 vjet.

/Motilokal.com