Botë

Gushti i vitit 2023 ishte jashtëzakonisht i ngrohtë për disa rajone në mbarë botën, duke thyer qindra rekorde të temperaturës. Ai u regjistrua si gushti më i ngrohtë që nga viti 1979 në mbarë botën. Deri vonë, gushti më i ngrohtë në botë ishte ai i vitit 2016 me një devijim prej 0.4 °C mbi mesataren e periudhës 1991-2020. Gushti 2023 theu këtë rekord, duke regjistruar një devijim prej 0.71 °C mbi nivelet 1991-2020.

Është muaji i tretë radhazi (pas qershorit dhe korrikut 2023) që regjistrohet si më i ngrohti i regjistruar në botë për vitin 2023. Kështu, vera e vitit 2023 u regjistrua si vera më e ngrohtë në botë që nga fillimi i regjistrimeve.

Evropë

Temperatura mesatare e gushtit 2023 në Evropë u luhat me 1.36 °C mbi nivelet 1991-2020. Gushti 2023 u regjistrua si gushti i dytë më i ngrohtë që nga viti 1979 për Evropën. Gushti 2022 mbetet më i ngrohti. Devijimet më të mëdha pozitive të temperaturës janë regjistruar në rajonet e Evropës Perëndimore dhe Lindore. Afër mesatares në Evropën Veriore dhe Veriperëndimore.

Ballkani

Temperatura në Ballkan në gusht 2023 u luhat mbi mesataren e periudhës 1991-2020. Devijimet më të larta pozitive janë shënuar në lindje dhe veri prej 2-3 °C mbi nivelet e periudhës 1991-2020. Temperatura në Ballkanin Perëndimor dhe Jugor është afër mesatares.

/Motilokal.com