Në ngjarjen Wonderlust, Tim Cook tha se iPhone 15 Pro dhe Pro Max janë më të mirët që kanë krijuar ndonjëherë. Trupi i telefonit është i ndërtuar nga materiali prej titani i gradës 5, i cili është më i fuqishëm dhe më i fundit.
Korniza e ekranit është tkurrur edhe pse ky i fundit mbetet në të njëjtën madhësi por humb pak gjerësi. Ekrani mbulohet nga një xham më i fuqishëm prej qeramike.
Porta Lightning është zhdukur përgjithnjë dhe modelet Pro tashmë kanë portën USB-C e cila ofron shpejtësi transferimi të nivelit USB3. Ishulli Dinamik rikthehet i cili është i disponueshëm për mbarë linjën tashmë.
Nuk ka mbështetje për Thunderbolt këtë herë megjithatë USB-C mundëson shpejtësi transferimi deri në 10Gbps, edhe pse duhet të blini një kabëll për këtë.
Kompania thotë se xhami i pasmë mund të riparohet më lehtësisht. Një buton i ri Aksioni zëvendëson butonin e heshtjes (mute) që ka qenë prezent që nga gjenerata e parë e iPhone. Ky buton mund të programohet sipas preferencës siç është përdorimi i tij për të shkrepur foto.
iPhone 15 Pro dhe 15 Pro Max fuqizohen nga çipi i ri A17 Pro i cili përmban gjashtë bërthama procesorike, ku dy janë performance dhe 4 efikasiteti. Ndërtuar mbi arkitekturën 3-nanometër, bërthamat e tij janë 10 për qind më të shpejta.
A17 Pro ka 6 bërthama të reja grafike që Apple tha se janë ridizajnuar plotësisht dhe mundësojnë 20 për qind më shumë performancë. Kompania shkoi deri atje sa të demonstronte një lojë me ray-tracing, diçka e mundur deri më sot vetëm tek desktopët.
Kamera përdor të njëjtën teknologji të kombinimit të pikselëve në sensorin 48-megapisekel i cili prodhon imazhe 24-megapiksel. Apple tha se krahas ProRAW, sensori mund të realizojë foto HEIF.
Dy sensorët e tjerë 12-megapiksel secili telefoto dhe ultra wide janë përmirësuar në ambiente me dritë të pakët. Një sensor i ri 3D mund të prodhojë imazhe tre dimensional.
Një opsion i ri macro mund të realizojë foto me gjerësi fokale 13mm, 24mm, 28mm, 35mm, 48mm dhe 120mm. Videot 4K mund të prodhohen me 60fps.
Ndërkaq, modeli iPhone 15 dhe iPhone 15 Plus i Apple vazhdojnë të kenë një shasi të bërë nga alumini, kështu që nuk ka pasur ndonjë ndryshim të dukshëm në peshë me ato pajisje në krahasim me gjeneratën e mëparshme.
Jo vetëm që tani modelet Pro janë më të lehtë, materiali i titanit është gjithashtu më pak i prirur ndaj gjurmëve të gishtërinjve dhe është më i qëndrueshëm.
/Motilokal.com