Bilanci i viktimave të prekur nga virusi vdekjeprurës koronavirusi po rritet për çdo ditë. Ky virus së pari u shfaq në qytetin Wuhan në provincën Hubei në një treg kafshësh. E si duket ky lajm ka bërë që kinezët ta ndiejnë në palcë frikën se mos po preken nga ky virus kur shohin apo janë afër kafshëve.

Një pamje e publikuar nga Daily Mail shihen disa banorë të qytetit Jinniu, në Chengdu, të Kinës jug-perëndimore duke mbytur një qen shtëpiak me gur për të ndaluar përhapjen e koronavirusit.

Sipas Organizatës Botërore të Shëndetit nuk ka prova që tregojnë se virusi mund të kalohet tek kafshët shtëpiake te njeriu.

Në pamje shihet qeni i racës Labrador, i cili fillon të leh për t’u mbrojtur, ndërsa njëri nga banorët e godet atë në kokë, duke e lënë për tokë.

Për mbytjen e qenit ka reaguar edhe pronarja, Jizhufo, e cila ka ndarë një fotografi të labradorit të saj të vdekur.

Sipas raportimeve banorët e kishin vrarë atë sipas urdhrave të zyrtarëve në atë qytet.

Thuhet se oficerët larguan të gjithë pulat dhe qentë pasi dy vizitorë në komunitet u diagnostikuan me koronavirus.

Nga njoftimet bëhet e ditur se autoritet kanë urdhëruar qytetarët t’i heqin qafe kafshët shtëpiake nga frika se ato mund të përhapin sëmundjen vdekjeprurëse.

Sidoqoftë, Organizata Botërore e Shëndetit (OBSH) thotë se nuk ka asnjë provë që virusi të kalohet nga macet ose qentë tek njeriu./Motilokal.com