Mikroplastikët që janë zbuluar edhe në retë mund të kenë potencialin të ndikojnë në kushtet e motit.

Sipas hulumtimit të publikuar në revistën e Shoqërisë Kimike Amerikane “ACS Environmental Science & Technology Letters”, mikroplastika e zbuluar edhe në retë mbi male dhe madje duket se ato mund të ndikojnë edhe në mot.

Mikroplastika, fragmente plastike më të vogla se pesë milimetra, vijnë nga miliona artikuj të përdorur çdo ditë, si veshje, paketim dhe goma veturash. Ekipi hulumtues mblodhi mostra nga retë në majë të malit Tai në Kinën Lindore.

Një milimetër është 1000 mikrometra dhe megjithëse kjo mund të tingëllojë e vogël, mjaft nga këto pjesë të vogla mund të kenë një efekt të madh. Ekipi pas studimit mblodhi mostra të ujit të reve nga maja e malit Tai, sepse maja e malit është plot re. Ata analizuan mostrat nën mikroskop dhe me një spektrometër për të përcaktuar përbërjen kimike të përmbajtjes së reve, raporton Daily Mail.

Mikroplastika u gjet në 24 nga 28 mostrat dhe sasia rritej sa më afër nivelit të detit, ku retë ishin gjithashtu më të dendura.

Cilat re kishin më shumë mikroplastikë

Me pak fjalë, pas analizimit të mostrave, ata zbuluan se retë më të dendura dhe retë me lartësi të ulët përmbanin sasi më të mëdha mikroplastike. Mikroplastika kishte tendencë të ishte më pak se 100 mikrometra në gjatësi, megjithëse disa ishin deri në 1500 mikrometra të gjata. Grimcat më të vjetra dhe më të ashpra kishin më shumë plumb, merkur dhe oksigjen të lidhur në sipërfaqet e tyre, të cilat studiuesit thonë se mund të lehtësonin rritjen e reve.

Për të hetuar se nga erdhën grimcat në re, studiuesit zhvilluan modele kompjuterike që përafruan mënyrën se si grimcat udhëtuan në malin Tai. Modelet sugjeruan se burimi kryesor i mbeturinave ishte fluksi i ajrit nga zonat me popullsi të dendur në brendësi dhe jo nga oqeani apo malet e tjera aty pranë.

/Motilokal.com