Masat ajrore të lagështa dhe të ftohta me origjinë veriore do ta përfshinë Kosovën ditën e premte dhe fundjavë.

Moti të premten në Kosovë do të jetë i ftohtë me vranësira e reshje lokale shiu. Reshjet mund të jenë edhe në formën e rrebesheve të shoqëruara me bubullima. Do të ketë erëra mesatarisht të forta. Po ashtu në viset malore priten reshje bore dhe në ultësira. Në mëngjes parashihet prezencë e mjegullës.

Të shtunën parashihet mot i ftohtë, kryesisht me vranësira e intervale me diell dhe riga lokale shiu, të shoqëruara me erëra. Në viset malore mundësi për borë. Fjolla bore parashihen edhe në zonat më të ulëta.

E diela parashihet të mbajë mot i ftohtë, me diell dhe vranësira.

/Motilokal.com