Reshje të dendura bore janë regjistruar në zonat malore dhe gjysmë malore të Austrisë dhe Zvicrës, që tashmë i kalon një metër në lartësitë më të larta dhe me erëra që arrijnë nivelet e uraganit në disa pjesë të Zvicrës, me rrebesh deri në 171 km në orë. Prej orëve të mëngjesit disa zona malore dhe gjysmëmalore të Austrisë dhe Zvicrës janë veshur në të bardha, siç e shohim edhe në pamjet, nga lartësia 700 metra mbi nivelin e detit, ndërsa sipas meteorologëve pritet të ketë reshje bore. edhe nën 500 metra në orët e mbrëmjes.

Në Zvicër, nga ana tjetër, përveç reshjeve të dendura të borës, janë regjistruar edhe erëra që në disa raste kanë arritur edhe nivele uragani, ku konkretisht në Alpet zvicerane shpejtësia ka arritur deri në 171 kilometra në orë dhe 152 kilometra në orë afër Cyrihut si dhe në kantonet e Bernës dhe të Lucernit. Fatkeqësisht, kjo ka sjellë rënien e disa pemëve dhe një shofer 72-vjeçar ka humbur jetën pasditen e djeshme pasi një trung peme ka rënë mbi veturën e tij.

Fronti i ftohtë që zhyti merkurin në të dy vendet shkaktoi gjithashtu një sërë problemesh, me shërbimet e urgjencës që morën më shumë se 100 telefonata për shkak të pemëve të rrëzuara që pengonin trafikun dhe ndërprerjet e energjisë nga erërat e forta. Gjithashtu për shkak të motit të keq janë anuluar shumë linja treni, ndërsa disa vonesa janë shënuar edhe në transportin ajror.

/Motilokal.com