Shirat e rrëmbyeshëm dhe erërat e forta kanë goditur Floridan Jugore dhe Juglindore gjatë ditëve të fundit, duke shkaktuar përmbytje të mëdha dhe ndërprerje të energjisë elektrike për shkak të intensitetit dhe kohëzgjatjes së fronteve të stuhisë. Si shpejtësia e erës, e cila arriti në 140 kilometra në orë, ashtu edhe sasia e shiut që ra në vetëm 48 orë, e tejkaloi shumë dinamikën që karakterizon stuhitë tropikale që vijnë nga Gjiri i Meksikës, sipas Shërbimit Kombëtar të Motit të SHBA-së (NWS), pasi ky front i stuhisë u pasurua me përqindje të mëdha lagështie nga Oqeani Atlantik.

Konkretisht, Aeroporti Ndërkombëtar Fort Lauderdale-Hollywood regjistroi 317 milimetra shi nga e marta, 14 nëntor deri në mëngjesin e së enjtes, 16 nëntor, ndërsa deri në 250 milimetra shi u regjistruan në zonat e Majamit. Gjithashtu, një vëllim i madh uji është vërejtur edhe në pjesët lindore të Orlandos deri në kontenë Sebastian, ndërsa sipas autoriteteve lokale disa automjete kanë mbetur të bllokuara për shkak të akumulimit të ujit në plazhin e Majami. Sipas parashikuesve, Aeroporti Ndërkombëtar Fort Lauderdale-Hollywood ka shumë të ngjarë të përjetojë vitin e tij më të lagësht në rekord, duke tejkaluar rekordin e mëparshëm të vendosur në vitin 1947, kur në fund të vitit kishin rënë gjithsej 2600 milimetra shi.

/Motilokal.com