Shumë zona në shtetin e New Yorkut po përjetojnë probleme nga stuhitë që kanë përfshirë këtë vend, ku më shumë se 3.3 milion amerikanë janë në vëzhgim përgjatë brigjeve lindore të Ontarios, si dhe në Ohajo, Pensilvani dhe New York. Gjithashtu, reshje të dendura bore pritet të ketë edhe në Cleveland si dhe në Jamestown, ndërkohë që tashmë vërehen probleme në disa pjesë të rrjetit rrugor për shkak të akumulimit të borës dhe gjithashtu për shkak të reshjeve të dendura të borës që ul ndjeshëm dukshmërinë.

Tashmë shumë shkolla mbeten të mbyllura për shkak të kushteve të pafavorshme atmosferike që mbizotërojnë, ndërsa siç deklaroi guvernatorja e New Yorkut, Kathy Hochul, në disa zona pritet të bien sasi të mëdha dëbore në një periudhë të shkurtër kohore për shkak të fenomenit “efektit të liqenit”, duke rezultuar në krijimin e problemeve në qarkullimin e mjeteve.

Sipas sinoptikanëve, sasia më e madhe e borës pritet të bjerë në pjesët lindore të liqenit të Ontarios, si dhe në zonën Tug Hill e cila është një nga pjesët më të largëta të New Yorkut, pasi erërat perëndimore që fryjnë përgjatë liqenit. ato do të pasurojnë atmosferën me përqindje të larta lagështie, duke favorizuar kështu shfaqjen e reshjeve veçanërisht të dendura të borës.

/Motilokal.com