Dy njerëz humbën jetën në një aksident masiv makinash që mbylli një autostradë madhore jashtë Montrealit, sipas policisë së Quebec.

Aksidenti përfshiu më shumë se 200 makina dhe rreth 100 njerëz u dërguan në tre spitale vendorë, sipas shërbimit të ambulancës CETAM, shkruan CNN.

Dy personat që vdiqën u gjetën të bllokuar në automjetin e tyre, tha agjencia e sigurisë publike në Quebec. Viktimat janë në proces të identifikimit, tha agjencia.

Ministri i Transportit, Francois Bonnardel, ka bërë të ditur gjatë një konference për media, se aksidenti zinxhiror është shkaktuar nga rrëshqitja e mjeteve në autostradën që kishte borë dhe akull.

Ai tha se autostrada ishte pastruar nga dëbora që sipas tij kjo zonë nuk është e prirur për aksidente.

“Pastrimi i autostradës A15 zgjati për disa orë, ndërsa ekuipazhet gjithashtu merreshin me largimin e derdhjes se naftës”, tha Bonnarderl./Motilokal.com