Në tre-mujorin e parë të vitit që vjen, Ministria e Infrastrukturës dhe Energjisë do të hap aplikimet për fazën e dytë të programit të subvencionimit të qytetarëve për vendosjen e paneleve diellore.

Orjon Islamaj, përgjegjës i sektorit të shërbimeve energjetike tha se edhe në raundin e dytë do të pranohen katër mijë aplikime, nga të cilat do të shpallen fitues vetëm dy mijë prej tyre.

Fondi i vënë në dispozicion edhe për vitin e ardhshëm përllogaritet të jetë në vlerën e dy milionë eurove. Islamaj foli edhe te kriteret që do të aplikohen për pranimin e kërkesave dhe përzgjedhjen e fituesve.

Ky program u jep mundësinë qytetarëve që të instalojnë panele diellore për ngrohjen e ujit duke mbuluar vetëm 30 për qind të kostos, ndërsa pjesa tjetër, pra 70 për qind e faturës subvencionohet nga Qeveria.

Përmes kësaj skeme, siç sqaroi edhe përgjegjësi i sektorit të shërbimeve energjetike, një familje arrin të kursejë nga dy mijë deri në katër mijë lekë në muaj.

Në fazën e parë përfituan dy mijë familje, kryesisht në Tiranë dhe Korçë.

/Motilokal.com