Shumë shoferë shmangin ngjyrat e ndezura sepse ato mund të zbehen me kalimin e viteve, duke ulur vlerën e veturës. Kjo është arsyeja pse është e rëndësishme ta mbani automjetin tuaj në hije për të parandaluar zbehjen e ngjyrave

Drejtuesit kanë preferenca të ndryshme kur bëhet fjalë për ngjyrat e veturave të tyre, shpesh të ndikuara nga shijet personale dhe faktorët kulturorë. Kompania e përpunimit të të dhënave automobilistike carVertical kreu një kërkim në disa vende evropiane që zbuloi se shoferët preferojnë ngjyrat monokromatike dhe nuk janë shumë të interesuar për automjetet me ngjyra të ndezura.

Shumica e blerësve të veturave zgjedhin ngjyra praktike

Rreth 32.9 përqind e të gjitha veturave të kontrolluara në carVertical ishin gri, 14.6 për qind ishin të bardha dhe 29.7 për qind ishin të zeza. Ky trend mund të shihet në të gjithë Evropën, ku ngjyrat monokromatike të veturave janë më të njohurat. Ngjyrat gri, bardh e zi janë më praktike, më të lehta për tu mirëmbajtur dhe nuk kërkojnë shumë vëmendje, gjë që është e rëndësishme për çdo pronar veture.

Pjesa e veturave gri në vitin 2000 ishte 33.4 për qind, që do të thotë se në më shumë se dy dekada kjo ngjyrë ka siguruar një bazë të qëndrueshme fansash. Popullariteti i ngjyrës së bardhë u rrit nga 3.1 për qind në 2000 në 13.2 për qind në 2010 dhe 18.7 për qind në 2020. Popullariteti i ngjyrës së zezë gjithashtu u rrit ndjeshëm: nga 20,1 për qind në vitin 2000 në 31.7 për qind në vitin 2010. Megjithatë, pjesa e automjeteve të zeza në vitin 2020 ra në 26.9 për qind.

Shumë shoferë shmangin ngjyrat e ndezura sepse ato mund të zbehen me kalimin e viteve, duke ulur vlerën e veturës

Shumë shoferë shmangin ngjyrat e ndezura sepse ato mund të zbehen me kalimin e viteve, duke ulur vlerën e veturës. Kjo është arsyeja pse është e rëndësishme ta mbani automjetin tuaj në hije për të parandaluar zbehjen e ngjyrave.

'Ngjyrat monokromatike kanë qenë rreth e rrotull për një kohë të gjatë. E bardha, argjendi, grija dhe e zeza janë në modë në të gjithë botën. Veturat blu do të rezultojnë të jenë zgjedhja popullore në vitin 2023, ndërsa ngjyrat e tjera janë zëvendësuar nga alternativa konservatore”, thotë Matas Buzelis, ekspert i veturave dhe shef i komunikimit në carVertical.

/Motilokal.com