Instituti Kombëtar i Shëndetësisë Publike të Kosovës (IKSHPK), ka kërkuar nga qytetarët të cilët kanë sëmundje kronike dhe janë të ndjeshëm, që të qëndroni në shtëpi, pasi që ajri sot nuk është i shëndetshëm.
“Qëndroni në shtëpi! Ajri sot nuk është i shëndetshëm për personat e ndjeshëm dhe me sëmundje kronike”, thuhet në reagimin e IKSHPK-së.
Disa rekomandime nga IKSHPK:
- Të reduktohen daljet në vendet me ajër të ndotur, në mëngjes dhe në mbrëmje, sidomos për personat që kanë sëmundje kronike kardiovaskulare dhe respiratore, fëmijët dhe shtatzënat.
- Të reduktohet përdorimi në shtëpi i lëndëve të ngurta të djegies dhe gatimit, që të zvogëlohen emetimet.
- Qëndroni në shtëpi dhe mos i hapni dritaret për ajrosjen e dhomave kur ndotja është e lartë.
- Të reduktohet pirja e duhanit jashtë ku ka qarkullim të njerëzve, e domosdoshmërisht të ndalohet pirja e duhanit brenda hapësirave të mbyllura.
- Të përdoret më shumë transporti publik dhe ecja, e më pak veturat.
- Të mos digjet vaj i përdorur goma plastike, mbeturina, thëngjill, drunj të lagësht për ngrohje.
- Personat që duhet të dalin në aktivitetet e tyre, të përdorin maska mbrojtëse, të mbulojnë gojën e hundën me shall.
- Të bëhet izolimi termik (për aq sa është e mundur) i shtëpive në zonat urbane.
/Motilokal.com
Foto: Visar Loku
