Pavarësisht se pjesa më e madhe e Evropës po përjeton mot jashtëzakonisht të ngrohtë për sezonin, me merkurin në shumë zona që i kalon 24 deri në 25 gradë Celsius, veçanërisht në vendet e Mesdheut, Tiroli në Austri megjithatë regjistroi reshje të dendura bore më 23 dhjetor nga lartësia 1000 metra, me trashësinë e borës ku në disa raste kalon edhe një metër, siç shihet në fotot e mëposhtme të publikuara nga banorët dhe vizitorët në Tirol.

Imazhet e postuara në rrjetet sociale janë vërtet magjike, me shumë shtëpi dhe makina të varrosura fjalë për fjalë nën tonelata dëbore nga stuhitë që goditën Tirolin ditët e fundit, me banorët dhe vizitorët që shijojnë peizazhin dimëror.

Megjithatë, e njëjta gjë nuk është e vërtetë për pjesën më të madhe të Evropës, pasi anti-cikloni i fortë që është përhapur kohët e fundit ka bërë që temperaturat e larta rekord të thyhen për sezonin, duke e bërë motin më shumë pranveror sesa dimëror. Një trend që duket se do të ruhet deri në fund të muajit sipas meteorologëve.

/Motilokal.com