Temperatura më e ulët e këtij dimri është shënuar në Finlandë dhe Suedi, pasi merkuri në termometër ka rënë në minus 40 gradë Celsius. Megjithatë, në vendet e tjera evropiane, perspektiva e motit është larg dimrit real, ndaj regjistrohen temperatura mbi mesataren dhe reshje shiu.

Në fshatin Nikaluokti, i banuar nga banorët autoktonë Sami në veri të Suedisë, mëngjesin e së martës është matur minus 41.6 gradë.

Operatorët hekurudhor në Suedi njoftuan se moti i ftohtë shkaktoi probleme të konsiderueshme në qarkullimin në veri. Instituti Meteorologjik dhe Hidrologjik Suedez raportoi temperatura prej minus 30 gradë në disa vende në veri të Suedisë.

Meteorologët kanë lëshuar një paralajmërim për borën dhe erën për Suedinë Qendrore dhe Jugore, duke thënë se reshjet e borës së kombinuar me erën mund të shkaktojnë probleme.

Në Finlandën fqinje, rekordi i ftohtë i këtij dimri është shënuar në qytetin veriperëndimor të Ilivijeska, ku temperatura ka rënë në minus 37.8 herët në mëngjes.

Temperaturat nën minus 30 gradë u regjistruan në disa vende në rajonin e Laplandës Arktike. “Në minus” është edhe kryeqyteti i Finlandës, Helsinki, ndërsa këtë javë temperaturat pritet të lëvizin nga minus 15 deri në minus 20 gradë.

Instituti Meteorologjik Finlandez ka paralajmëruar mot shumë të ftohtë këtë javë dhe temperatura e parashikuar do të bjerë nën minus 40 gradë Celsius në disa pjesë të vendit.

Temperaturat e acarta po shkaktojnë vonesa në udhëtarët dhe trenat në distanca të gjata në të gjithë Finlandën. Këto temperatura sfiduese të ftohta parashikohet të zgjasin të paktën deri të enjten.

Një paralajmërim për ngrica është në fuqi në të gjithë vendin. Kjo do të thotë se i ftohti ndërhyn në aktivitetet në natyrë dhe shumë njerëz me sëmundje kronike mund të kenë më shumë simptoma se zakonisht.

Instituti Meteorologjik Finlandez ka lëshuar një paralajmërim të ashpër të ftohtë për të gjithë vendin deri të enjten

Policia norvegjeze njoftoi se një pjesë e autostradës E18 në Norvegjinë jugore është mbyllur për shkak të motit të ftohtë.

Drejtoria Daneze e Rrugëve ka njoftuar se një urë kyçe në Danimarkë është mbyllur për automjetet me rimorkio të lehta për shkak të erërave të forta që mund të ndikojnë në drejtimin e automjeteve.

/Motilokal.com