Një çift heroik shpëtoi një vajzë trevjeçare të bllokuar dhe nënën e saj pasi vetura e tyre u zhyt në një lumë të fryrë mes stuhisë Henk në Birmingham.

Liam Stych dhe partnerja e tij Tia Draper po ecnin përgjatë Hall Green në Birmingham kur panë Fiat Punto të fundosur në përrua.

Duke vepruar shpejt, Stynch, një inxhinier i punimeve në rrugë, u ngjit në urë dhe e nxori fëmijën nga automjeti.

Ai ia dorëzoi fëmijën partneres së tij, e cila është në muajin e pestë shtatzënë, përpara se të shpëtonte nënën dhe të siguronte veturën në urë për të parandaluar fundosjen e saj.

"Rryma e fshiu veturën që goditi urën. Në atë moment, gruaja nga vetura tha: "Kam një fëmijë në veturë", tha ajo.

Në një intervistë për BBC, Stich e përshkroi veten si një qenie njerëzore me instinkt të mirë, por këmbënguli se ai nuk është një hero.

Stuhia Henk, e teta e sezonit të stuhive 2023-2024, goditi Britaninë e Madhe të martën, duke sjellë erëra prej 151 kilometra në orë dhe shi të dendur.

Gjatë stuhisë, një person rreth të 50-tave vdiq si pasojë e rënies së një peme mbi veturën e tij në Gloucestershire.

Disa rrugë kryesore u mbyllën për shkak të përmbytjeve, disa linja hekurudhore u bllokuan nga pemët e rrëzuara dhe qindra paralajmërime për përmbytje u lëshuan në të gjithë Anglinë, Skocinë dhe Uellsin.

Më shumë mot i keq pritet në fund të kësaj jave, me një paralajmërim të verdhë të motit të lëshuar për shi që do të prekë të gjithë Anglinë jugore nga mesdita e së enjtes deri në orën 3 të mëngjesit të së premtes në mëngjes.

/Motilokal.com