Spanja përjetoi një ditë të nxehtë historike të enjten më 25 janar 2024, pasi temperaturat jashtëzakonisht të larta thyen rekordin maksimal të temperaturës në të gjithë vendin për të katërtin muaj radhazi, si dhe rekordin e temperaturës maksimale pan-evropiane për muajin janar.

Më konkretisht, në rajonin Gavarda të Valencias të enjten më 25/01 u regjistrua vlera maksimale e temperaturës prej 30.7°C, vlerë kjo që është temperatura më e lartë e regjistruar ndonjëherë në Spanjë dhe në të gjithë Evropën për muajin janar.

Vala e pazakontë e të nxehtit u shtri edhe në zonat me lartësi të madhe, ku fshati Fredes në Valencia regjistroi një temperaturë maksimale prej 21.6°C, pavarësisht se ishte 1200 metra mbi nivelin e detit.

Sezoni i gjatë i thatë në rajonin e Andaluzisë

Andaluzia po përjeton aktualisht thatësirën e saj më të gjatë në 50 vjet , me frikën e ndërprerjeve të ujit të ngjashme me kufizimet drakoniane të vendosura gjatë thatësirës famëkeqe të vitit 1995 që po përshkallëzohet. Nivelet e rezervuarëve vazhdojnë të bien, me rezervat e Almerisë që funksionojnë me vetëm 9.3% kapacitet.

/Motilokal.com