Nëse ndodh shpesh që të jeni ende të uritur pas një vakti, kjo mund të tregojë disa probleme shëndetësore.

Sipas nutricionistes Carol Mareto, nëse dieta juaj nuk është e një cilësie të mjaftueshme, trupi mund të “rebelohet” dhe të kërkojë më shumë sesa i nevojitet. Nëse hani një sasi të vogël të lëndëve ushqyese dhe nuk pushoni mjaftueshëm, trupi do të ketë nevojë për më shumë energji.

Nëse ju mungojnë proteinat, uria do të zgjasë më gjatë. Për këtë arsye, është thelbësore që të kujdeseni të përfshini në dietën tuaj sasi të mëdha perimesh dhe frutash të pasura me fibra. Gjithashtu duhet të hani proteina cilësore që gjenden në vezë, mish, peshk, fasule etj.

Stresi rrit prodhimin e kortizolit, i cili shkakton një ndjenjë shtesë të urisë. Nëse jeni shpesh nën stres, joga ose meditimi mund t'ju ndihmojë të zgjidhni këtë problem.

Mungesa e gjumit mund të jetë gjithashtu një nga arsyet pse jeni të uritur. Gjumi cilësor është i rëndësishëm për rregullimin e hormoneve duke përfshirë grelinën, e cila shpesh quhet "hormoni i urisë", sepse rrit marrjen e ushqimit. Duhet të flini të paktën gjashtë orë çdo natë dhe të kufizoni përdorimin e pajisjeve elektronike para se të shkoni në shtrat.

/Motilokal.com