Nëse e keni parë ndonjëherë pjesën e sipërme të një bananeje të mbështjellë në një dyqan ushqimesh dhe keni pyetur veten pse, përgjigja është se do të qëndronte e freskët më gjatë. Ky truk mund t'ju ndihmojë ta mbani këtë frutë të freskët më gjatë në shtëpi.

Në një pamje në TikTok, kuzhinierja Emma Mason shpjegoi se çfarë ndodh kur ky frutë piqet dhe si ta mbajmë atë të freskët më gjatë.

“Bananet prodhojnë gaz etilen dhe vazhdojnë ta bëjnë këtë edhe pasi të jenë korrur, prandaj piqen shpejt dhe ndryshojnë ngjyrën”, tha ajo.

Nëse mbështillni kërcellin ose pjesën e sipërme të bananes, ju e parandaloni që kjo të ndodhë. Bananet mund t'i mbështillni vetë në shtëpi, thjesht merrni mbështjellës plastik dhe mbështillni pjesën e sipërme. Për rezultate edhe më të mira, ndajini bananet nga njëra-tjetra dhe mbështillini veçmas.

Gjithashtu, ajo ka treguar një tjetër truk për ta bërë këtë frutë të qëndrojë më gjatë. Nëse dëshironi që banania juaj të qëndrojë plotësisht e pjekur edhe për disa ditë, vendoseni në frigorifer.

Temperaturat e ftohta ndihmojnë në ngadalësimin e procesit të pjekjes në mënyrë që banania të mos kthehet në pure për një kohë të gjatë. Edhe nëse ndryshon ngjyrën, fruti duhet të jetë ende i mirë. Bananet jeshile duhet të lihen ende në sipërfaqen e punës për t'u pjekur siç duhet.

/Motilokal.com