Shkencëtarët në Universitetin e Shkencës dhe Teknologjisë në Shangai kanë zhvilluar një disk optik 3D, i cili ka të njëjtën formë dhe madhësi si një disk DVD ose Blu-ray, por mund të ruajë të dhëna të pabesueshme 1.6 petabit.

Në mënyrë që shumica të kuptojnë më mirë, bëhet fjalë për 200,000 GB hapësirë në të cilën mund të ruhen 14,285 filma 4K prej dy orësh, duke supozuar se madhësia e secilit film është 14 GB.

Sekreti i kapacitetit të diskut të ri është sistemi i tij i ruajtjes 3D. Në vend të shkrimit të të dhënave në një shtresë, përdoren 100 shtresa. "Pikat" individuale të të dhënave janë shumë më të vogla se në rastin e disqeve konvencionale Blu-ray ose DVD.

"Të dhënat regjistrohen duke përdorur pika 54 nanometra të gjera, rreth një e dhjeta e gjatësisë së valës së dritës së dukshme që përdoret për të lexuar dhe shkruar të dhëna", tha në raportin e tij reporteri shkencor Charles Q. Choi.

Teknika e re e regjistrimit është bërë e mundur nga përdorimi i një laseri për regjistrimin e të dhënave dhe një materiali i ri i ndjeshëm ndaj dritës i quajtur AIE-DDPR.

Ajo që është edhe më mbresëlënëse është se një disk i ri bosh mund të prodhohet duke përdorur teknikat konvencionale të prodhimit masiv të DVD-së brenda gjashtë minutave.

Duke pasur parasysh rënien e shpejtë të interesit për filmat në disqe, nuk ka gjasa që teknologjia e re të gjejë rrugën e saj në shtëpitë tona pavarësisht potencialit të dukshëm të madh të formatit fizik për filmat 8K. Ekipi i shkencëtarëve beson se mundësia e vërtetë është në qendrat e të dhënave.

Duke përdorur disqe optike në shkallë nano, një qendër të dhënash mund të mbajë një sasi të madhe informacioni brenda një dhome të vetme, domethënë sasinë e të dhënave që aktualisht do të kërkonte një hapësirë të madhësisë së stadiumit.

/Motilokal.com