Shumë besojnë se zbehja e dritave gjatë fluturimeve të natës është një përpjekje për të ndihmuar pasagjerët të flenë më lehtë. Megjithatë, kjo bëhet për një arsye shumë të rëndësishme sigurie.

"Dritat janë të zbehura në mënyrë që shikimi juaj të mund të rregullohet sa më lehtë që të jetë e mundur për t'ju ndihmuar të evakuoni aeroplanin në rast aksidenti", tha stjuardesa e United Airlines Sue Fogwell për revistën Travel + Leisure.

Sipas Simple Flying, syrit të njeriut i duhen 10 deri në 30 minuta për t'u përshtatur plotësisht me errësirën. Zvogëlimi i dritave i lejon pasagjerët të shohin më mirë dritat e dyshemesë që çojnë në dalje në rast evakuimi.

Stjuardesat do të ndezin dritat edhe nëse bëhet fjalë për fluturim gjatë ditës në mënyrë që pasagjerët të mos “verbohen” kur zbarkojnë. Këto masa në dukje të parëndësishme mund të jenë vendimtare për mbijetesën.

"Ngritja e hijeve gjatë ngritjes dhe uljes e bën më të lehtë për stjuardesat të vlerësojnë rreziqet e jashtme, si zjarri, që mund të pengojnë evakuimin", tha piloti Patrick Smith.

Logjika është që nëse diçka ndodh gjatë ngritjes ose uljes, sytë tuaj do të përshtaten me dritën e jashtme, duke ju lejuar të reagoni më shpejt.

/Motilokal.com