Komisioni Evropian ka njoftuar se ka nisur një hetim me një grup rregullatorësh evropianë për mbrojtjen e konsumatorit për të përcaktuar nëse 20 linja ajrore mashtruan pasagjerët me pretendime të pabazuara për reduktimin e ndikimit mjedisor të fluturimeve.

Komisioni Evropian nisi hetimin në bashkëpunim me rregullatorët e Belgjikës, Holandës, Norvegjisë dhe Spanjës, por zëdhënësi nuk deshi të specifikonte se cilat linja ajrore janë nën vëzhgim, duke shpjeguar se kontrolli është vetëm në fazën paraprake.

Linjat ajrore duhet të deklarojnë qartë se deri në çfarë mase pretendimet se emetimet e dioksidit të karbonit nga fluturimet mund të 'zhvlerësohen' nga projektet klimatike dhe përdorimi i karburanteve të qëndrueshme mund të mbështetet nga prova konkrete shkencore.

“Nëse duam konsumatorë të përgjegjshëm, duhet t’u japim atyre informacion të saktë... Ata meritojnë përgjigje të sakta dhe shkencore, jo pretendime të paqarta apo të rreme”,  tha  në një deklaratë komisionerja e BE-së për Vlerat dhe Transparencën Vera Jourova.

Një gjykatë holandeze arriti në përfundimin në mars se transportuesi KLM kishte mashtruar pasagjerët me një fushatë marketingu që supozohej të përmirësonte imazhin mjedisor të kompanisë, kujton Reuters.

/Motilokal.com