Mijëra qese plastike janë larguar nga deti Egje kryesisht nga ishulli grek Andros këtë muaj nga një ekip zhytësish dhe ambientalistësh. "Ishte një gjë shumë e frikshme për të parë", tha Arabella Ross, një zhytëse vullnetare me Aegean Rebreath, një grup i themeluar në vitin 2017 për të kryer pastrime nënujore dhe bregdetare. "Me të vërtetë më tronditi dhe mendoj se me të vërtetë tronditi të gjithë ata që e panë atë."
Gjatë verës, sasia e mbeturinave plastike rritet për 40 për qind dhe shumica e tyre përfundojnë në det. Rreth 87% e mbeturinave të menaxhuara dobët përfundojnë në natyrë, duke rritur sasinë e ndotjes, tha Fondi Wide World për Natyrën (WWF ).
Sipas një raporti të WWF-së, Mesdheu është një ndër detet me nivelet më të larta të ndotjes plastike në botë. Ai përmban vetëm 1 për qind të ujit në botë, por strehon 7 për qind të mikroplastikës në botë.
"Evropianët hanë një kartë plastike bankare në javë"
Evropa është prodhuesja e dytë më e madhe e plastikës në botë, pas kinës. Çdo vit, 27 milionë tonë plastikë prodhohet, nga e cila 90 për qind nuk është e riciklueshme. Mes 70 deri në 130 mijë tonëve mikroplastikë dhe rreth 150 deri në 500 mijë tonë makroplastikë, përfundojnë në Mesdhe dhe në detet e tjera të Evropës, sipas një studimi të WWF-së.
I njëjti studim parashikon që në vitin 2025 oqeani do të përmbajë një ton metrikë plastike për çdo tre peshq.
Përqendrimi më i madh i plehrave të planetit është vendosur në mes të Oqeanit Paqësor. Një ishull i madh që mat 1.6 milion kilometra katror - ekuivalent i tre herë më i madh se Franca. Sidoqoftë, WWF paralajmëroi se ndotja plastike në Mesdhe është katër herë më e madhe.
A mund të jetojmë pa plastikë?
Alba Garcia nga Greenpeace rekomandon që për të zvogëluar mbeturinat plastike, është mirë të planifikoni paraprakisht blerjen e ushqimeve në dyqane me shumicë duke iu shmangur paketimit, ju mund të shikoni alternativa për produktet e mbështjella me plastikë, duke përdorur kuti qelqi.
Rrjeti britanik i supermarketeve Sainsbury ishte i pari që largoi nga përdorimi kutitë plastike për fruta, perime dhe produktet e bukës. /Motilokal.com/