Dëme materiale pas reshjeve të shiut në Prishtinë, Komuna bën thirrje për durim për trafikun e shkaktuar.
Shiu i orëve të para të mëngjesit ka përmbytur disa zona në komunën e Prishtinës. Kryeqyteti i Prishtinës ka bere të ditur se së bashku me policinë dhe zjarrfikësit janë duke i sanuar vendet ku janë përmbytur nga shiu i rrëmbyeshëm.
Përveç vërshimeve të shpejta që ndodhen në kryeqytet, prishtinasit po përballen me probleme në komunikacion edhe ditëve të zakonshme, kurse tani situata është rënduar edhe më shumë si pasojë e reshjeve të shiut.
Postimi i plotë:
Të nderuar qytetarë,
Pas shiut të rrëmbyeshëm të mëngjesit të hershëm, në disa zona të kryeqytetit janë shkaktuar dëme materiale, të cilat ekipet e zjarrfikësve dhe Drejtorisë së Sigurisë dhe Emergjencave në bashkëpunim me policinë janë duke i sanuar.
Ju lutemi të keni durim në trafikun e ngarkuar i cili është shkaktuar për shkak të ndërhyrjeve në sanim nga ekipet e emergjencave.
Çdo rast rreziku ju lutemi raportoni në Qendrën Emergjente të Kryeqytetit në numrat: 0800 112 33 ose 0800 112 44.
/Motilokal.com
