Një nga studimet e fundit zbuloi se "truri i shpendëve" nuk është në fund të fundit një fyerje. Gjegjësisht, u vërtetua se sorrat me zë mund të numërojnë deri në katër.

Është një studim i kryer nga një ekip studiuesish nga Laboratori i Fiziologjisë së Kafshëve në Universitetin Gjerman të Tubingenit. Mënyra se si zogjtë njohin dhe reagojnë ndaj numrave është e ngjashme me njerëzit. Këto gjetje, të publikuara në revistën shkencore Science, rrisin të kuptuarit e inteligjencës së sorrave.

"Njerëzit nuk kanë një monopol mbi aftësitë si arsyetimi numerik, abstraksioni, krijimi i mjeteve dhe planifikimi. Askush nuk duhet të habitet që sorrat janë të zgjuar", tha profesoresha e biologjisë në Universitetin e Masaçusetsit, Heather Williams, e cila nuk ishte e përfshirë në hulumtim.

Aftësia për të numëruar në mbretërinë e kafshëve nuk është e kufizuar vetëm në sorrat. Shimpanzetë mund të numërojnë dhe kuptojnë vlerën e numrave. Kur një shimpanze mashkull është duke u ballafaquar, ai numëron thirrjet e meshkujve të tjerë që janë gjithashtu të ballafaquar. Për më tepër, supozohet se milingonat mund të numërojnë hapat e tyre.

Një studim gjerman zbuloi gjithashtu se sorrat, si fëmijët, mund të mësojnë të lidhin numrat me vlerat, shkruan CNN.

/Motilokal.com