Një studim i ri nga shkencëtarët amerikanë nxjerr në pah epërsinë e GPT-4 të OpenAI-t mbi analistët financiarë njerëzorë. Hulumtimi nga Shkolla e Biznesit e Universitetit të Çikagos zbulon se ky model i madh gjuhësor i Inteligjencës Artificiale (IA) shkëlqen në analizimin e raporteve financiare dhe parashikimin e fitimeve.

Edhe pa informacion narrativ ose specifik për industrinë, LLM tejkalon analistët financiarë në aftësinë e tij për të parashikuar ndryshimet e fitimeve, pretendon studimi. Ky avantazh është veçanërisht i dukshëm kur analistët përballen me vështirësi, shtojnë autorët e studimit.

Duke përdorur udhëzime nga i ashtuquajturi "zinxhiri i mendimit", GPT-4 udhëhiqet për të identifikuar tendencat në të dhënat financiare dhe për të llogaritur raporte të ndryshme financiare. Ai më pas e përdori atë analizë për të parashikuar fitimet e ardhshme.

Kur përdorim zinxhirin e mendimit për të imituar të menduarit njerëzor, zbulojmë se GPT arrin një saktësi prej 60 për qind, e cila është jashtëzakonisht më e lartë se ajo e arritur nga analistët , sipas studimit. Në të kundërt, analistët njerëzorë arritën saktësinë e parashikimit në intervalin e ulët prej 50 për qind.

Autorët e studimit sugjerojnë se aftësia e GPT-4 për të dalluar modelet financiare dhe konceptet e biznesit, edhe me të dhëna jo të plota, e pozicionon modelin e IA-së si një mjet të vlefshëm për vendimmarrjen financiare.

Për më tepër, duke zbatuar njohuritë e GPT-4 në strategjitë e tregtimit, ato prodhuan rezultate më të mira, duke tejkaluar tregun e aksioneve. Ne besojmë se strategjia afat-shkurtër e bazuar në parashikimet e GPT-së tejkalon tregun dhe krijon raporte të rëndësishme alfa dhe Sharpe , përfundojnë autorët e studimit.

Megjithatë, megjithëse studimi nuk e përmend atë, IA tenton të halucinojë të dhëna, që është një problem kompleks që duhet ta ketë parasysh kushdo që përdor mjetet e IA, veçanërisht ata që mendojnë t'i besojnë paratë e tyre parashikimeve të IA.

/Motilokal.com