Arrat rekomandohen të hahen për disa arsye, ato janë shumë të shëndetshme dhe janë një alternativë e shkëlqyeshme e ushqimit për disa opsione më pak të shëndetshme.

Dietologët Bianca Tamburello dhe Samantha MacCleod zbuluan se ngrënia e një lloji arra mund të ndihmojë edhe në humbjen e peshës.

Bianca Tamburello thekson se arrat janë një ushqim i shkëlqyer për humbje peshe, sepse ato janë plot me yndyrna të shëndetshme që nxisin ngopjen, si dhe proteina dhe fibra. Janë të pasura me lëndë ushqyese dhe përmbajnë shumë kalori, por kjo nuk është arsye për t’i shmangur, mjafton të kujdeseni për sasinë e porcioneve ditore.

Si lloji më i mirë i arrave që mund të hani për humbje peshe, dietologët veçuan bajamet.

Përmbajtja e lartë e fibrave

"Fibrat janë një lëndë ushqyese e rëndësishme në shumicën e dietave. Nëse po përpiqeni të humbni peshë, fibrat mund të jenë të rëndësishme sepse ju ndihmojnë të jeni të ngopur dhe të kënaqur për më gjatë," thotë dietologia Samantha MacCleod. Ushqimi i pasur me fibra mund të përmirësojë metabolizmin, të zvogëlojë rrezikun e sëmundjeve të zemrës dhe diabetit të tipit 2 dhe të përmirësojë funksionin e tretjes.

Janë të pasura me veti anti-inflamatore

Bajamet janë të pasura me komponime bimore anti-inflamatore të quajtura flavonoidë, polifenole dhe proantocianidina. Ushqimet anti-inflamatore si bajamet ndihmojnë në humbjen e peshës pasi provat tregojnë se mbipesha mund të çojë ose të shkaktohet nga inflamacioni kronik, sipas hulumtimit të botuar në revistën Nutr në 2020.

MacCleod thekson se fibra në arrat mund të ndihmojë në mbajtjen e niveleve të sheqerit në gjak të qëndrueshme, gjë që ndikon dhe ndihmon në reduktimin e inflamacionit në trup.

Janë plot me proteina

Trupi vazhdimisht rinovon dhe mirëmban kockat, muskujt, qelizat dhe indet, dhe proteinat janë të nevojshme për të gjitha këto. Tamburello thekson se kufizimi i tepërt i marrjes së ushqimit është një gabim i zakonshëm i humbjes së peshës dhe mund të çojë në mbingrënie më vonë. Prandaj këshillohet të hani ushqime të pasura me proteina, të cilat do të ngadalësojnë tretjen dhe do të na ngopin.

/Motilokal.com