Shumë prodhues veturash kanë vendosur synime për të ndaluar prodhimin e veturave me lëndë djegëse fosile në një të ardhme relativisht të afërt, dhe prodhuesi më i madh në botë i motoçikletave, Honda, tani u është bashkuar atyre.

Honda ka vendosur një afat të caktuar për këtë, por do të kalojnë shumë vite përpara kësaj. Përkatësisht, në përmbledhjen e tyre “Honda Business Briefing” është bërë e ditur se qëllimi i tyre është që deri në vitin 2040 të kenë një flotë tërësisht elektrike.

Honda planifikon të përdorë paketën e ardhshme Honda Mobile Power Pack e (MPP) për motoçikletat. Është një bateri relativisht e vogël e zëvendësueshme me një vëllim prej rreth 7 litrash dhe një peshë prej vetëm 10.9 kilogramësh. Një MPP ka një kapacitet energjie prej 1.05 kWh. Kompania thekson se motoçikleta e re elektrike e ardhshme do të dalë në treg këtë vit dhe do të përdorë dy MPP.

Sipas deklaratës, "Honda nuk e ka ndryshuar besimin e saj se automjetet elektrike janë zgjidhja më efikase në fushën e produkteve me lëvizshmëri të ulët si motoçikletat dhe veturat, dhe qëllimi i elektrifikimit të Honda është që automjetet elektrike dhe me qeliza të karburantit të hidrogjenit të përfaqësojnë 100 për qind e shitjeve të saj globale deri në vitin 2040.

/Motilokal.com