Shumë e perceptojnë vrapimin si një aktivitet që kërkon predispozita të caktuara fizike, duke menduar se do të përfitojnë nga vrapimi vetëm nëse vrapojnë rregullisht disa kilometra.

Por e vërteta është se edhe pesë minuta vrap në ditë mund të kontribuojnë ndjeshëm në shëndetin dhe fitnesin tuaj.

Gjumi më i mirë

Aktiviteti fizik përshpejton rrahjet e zemrës dhe rrit qarkullimin e gjakut, i cili furnizon trupin me oksigjen, i cili gjithashtu favorizon funksionimin më të mirë të trurit. Ushtrimet më të shkurtra aerobike, si vrapimi, janë vërtetuar shkencërisht se përmirësojnë funksionin e trurit, njohjen e shëndetshme dhe shëndetin kardiovaskular.

Pesë minuta vrap çdo ditë do të kenë një efekt të favorshëm edhe në hipokampus, pjesa e trurit e prekur nga sëmundja e Alzheimerit, që do të thotë se ulet edhe rreziku për këtë sëmundje.

Kur vraponi çdo ditë, jeni më të kënaqur me veten, sepse e dini që keni bërë diçka të mirë për veten tuaj çdo ditë dhe se keni arritur ndonjë sukses. Hulumtimet kanë treguar se vrapimi rrit prodhimin e endokannabinoideve, substanca kimike në tru që lidhen me ndjenjat e rehatisë dhe kënaqësisë.

Nëse vraponi për pesë minuta çdo ditë, do të shpërtheni nga pozitiviteti dhe do të reagoni më mirë në situata stresuese.

Nëse vraponi çdo mëngjes, do të përmirësoni shumë cilësinë e gjumit, domethënë do të flini më mirë, kanë vërtetuar hulumtimet. Dhe gjumi më i mirë do të shoqërohet me humor dhe përqendrim më të mirë gjatë ditës dhe do të jeni më pak të lodhur gjatë ditës.

Por edhe vrapimi në mbrëmje mund të përmirësojë gjumin, gjë që ndodh sepse pas vrapimit temperatura e trupit, e cila u ngrit gjatë aktivitetit, bie sërish dhe ne biem në gjumë më lehtë.

Ecja e shpejtë

Vrapimi mund të shkaktojë një rritje të përkohshme të presionit të gjakut, por në përgjithësi ka efekt të kundërt ndihmon në uljen e presionit të gjakut, kolesterolit dhe rrezikut të diabetit. Të njëjtat përfitime që merrni nga pesë minuta vrap në ditë mund t'ju ofrojnë edhe 15 minuta ecje të shpejtë.

Nëse vraponi çdo ditë, të paktën për pesë minuta, mund të zvogëloni rrezikun e sëmundjeve kardiovaskulare pothuajse përgjysmë. Njerëzit që vrapojnë rregullisht kanë një rrezik 30 për qind më të ulët të vdekjes nga çdo shkak dhe një rrezik 45 për qind më të ulët të vdekjes nga sëmundjet kardiovaskulare.

Lëkurë më e bukur

Ndërsa vrapimi përmirëson qarkullimin, lëkura juaj do të duket më e bukur dhe e shëndetshme në të njëjtën kohë. Përveç kësaj, duke vrapuar, do të përmirësoni tonin e lëkurës së trupit, kështu që do të jetë më e shtrënguar dhe kështu do të duket më e re.

/Motilokal.com